Ambasadori amerikan në Kosovë, Jeff Hovenier, ka thënë se zbatimi i marrëveshjes së arritur në Ohër mes Kosovës dhe Serbisë, është moment vendimtar për zhbllokimin e së ardhmes së Kosovës.
Hovenier tha se ShBA-ja do të qëndrojë me popullin e Kosovës për t’i realizuar një nga prioritet kryesore, integrimin në institucionet evropiane dhe euroatlantike.
“Zbatimi i kësaj marrëveshjeje është kritik për zhbllokimin e së ardhmes së Kosovës. Ne do të vazhdojmë të qëndrojmë me popullin e Kosovës për të realizuar një nga prioritetet tona kryesore, të përbashkëta: sigurimin që Kosova të zërë vendin e saj të merituar në institucionet evropiane dhe euroatlantike”, ka shkruar Hovenier.
Implementation of this agreement is critical to unlocking Kosovo's future. We will continue to stand with the people of Kosovo to realize one of our key, shared priorities: ensuring that Kosovo takes its rightful place in European and Euro-Atlantic institutions. https://t.co/1pw6eg0nKs
— Ambassador Jeff Hovenier (@USAmbKosovo) March 20, 2023
Ky reagim Hovenier erdhi nga pasi sekretari Amerikan i Shtetit, Antony Blinken, theksoi se SHBA-të e mirëpresin dhe e mbështesin marrëveshjen e arritur mes Kosovës dhe Serbisë në Ohër.