Ish-kryeministri i Kosovës, Avdullah Hoti, njëherësh deputet i Lidhjes Demokratike të Kosovës (LDK), ka kritikuar Qeverinë e Kosovës duke thënë se dyfishojnë faturat e tatimit në pronë në krizën më të madhe të çmimeve në 15 vitet e fundit.
“85 mijë të punësuar nuk e dinë sa do ta kenë pagën në shkurt, por e dinë se faturat e tatimit në pronë i kanë të dyfishuara”, ka thënë Hoti.
Sipas tij, ligji kërkon rivlerësim të rregullt të vlerës së tregut të pronave, por se duhet të bëhet në kontekst të zhvillimeve ekonomike dhe sociale në vend, si dhe të analizohet me kujdes se kur është koha e përshtatshme që kjo të reflektohet në faturat për qytetarët.