Ish-kryeministri i Kosovës, Avdullah Hoti ka reaguar ndaj Qeverisë së Kosovës, duke thënë se një vend në të cilin rriten subvencionet me shumë sesa investimet kapitale, ajo është shenjë e varfërisë, dhe ekonomia e atij vendi është në mjerim.

“Mjerë për atë ekonomi ku rriten subvencionet e zvogëlohen investimet. Subvencionet dhe transferet janë rritur për +70%”, ndërsa sipas Hotit “investimet kapitale janë zvogëluar për -21%”.

“Nuk ka zhvillim ekonomik me subvencione e transfere. Rritja e subvencioneve dhe transfereve është shenjë varfërie”, ka shkruar Hoti në Facebook.

Më poshtë mund të lexonin postimin e plotë të deputetit nga Lidhja Demokratike Kosovës.

Mjerë për atë ekonomi ku rriten subvencionet e zvogëlohen investimet.

Shihni foton më poshtë. Në vitin 2022, krahasuar me vitin 2019: 👇

– subvencionet dhe transferet janë rritur për +70%,

– investimet kapitale janë zvogëluar për -21%.

Nuk ka zhvillim ekonomik me subvencione e transfere. Rritja e subvencioneve dhe transfereve është shenjë varfërie.

Ja çfarë kanë bërë qeveritarët majtistë në vitin 2022:

– 41% të buxhetit e kanë shpenzuar në subvencione dhe transfere (më 2019 ka qenë 30%)

– 16% të buxhet e kanë shpenzuar për investime kapitale (më 2019 ka qenë 25%).

Ky raport do të duhej të ishte i kundërt. Kështu nuk zhvillohet ekonomia, por rritet varësia e qytetarëve nga skemat sociale. Asnjë ekonomi nuk është zhvilluar duke e shpenzuar 42% të buxhetit në subvencione, por duke shpenzuar më shumë në investime kapitale publike edhe private. Vetëm investimet e zhvillojnë ekonominë, pasi ato e rrisin kapacitetin prodhues.