Kryetari i Komisionit për Personat e Zhdukur, Andin Hoti, ka thënë se ende nuk janë gjetur personat e zhdukur të luftës së fundit në Kosovë, andaj nëse nuk bëhen hapa konkretë në vijim, do të jetë e veshtirë pasi, “Dëshmitarët po vdesin për çdo ditë, po ashtu edhe informacioni po zhduket me ta”.
Sipas Hotit, ka edhe arsye të tjera pse janë në Bruksel. Ky ka thënë që nëpërmjet Bashkimit Evropian, po tentojmë që ta bindim Serbinë, që ti hap arkivat sekrete.
Ai ka thënë se dihet botërisht se secila ushtri e botës, operon si pasojë e një urdhri shtetëror, edhe ato veprime janë të dokumentuara.
“Neve si komision na intereson fati 1 mijë e 617 personave se ku gjenden, dhe nuk janë të gjithë nga nacionaliteti shqiptar por nga gjitha komunitet. Prandaj, këto dokumente do të shërbenin vetëm për zbardhjen e fati të personave të pagjetur”, ka thënë Hoti në emisionin, FIVE në RTV Dukagjini.
Lufta e fundit në Kosovë ka ndodhur në mes të një shteti siç ka qenë Jugosllavia, edhe një populli të pafajshëm siç kanë qenë qytetarët e Kosovës.
Hoti ka folur edhe për mënyrën se si janë sulmuar shqiptarët gjatë viteve 97-98 nga aparati shtetëror serb ku në Kosovë, sipas tij janë përdorur të gjitha kapacitetet ushtarake të ish-Jugosllavisë siç janë “tanket, ushtria, policia e paramilitarët”.
Sipas kryetarit të komisionit për të pagjetur gjatë vizitave në Bruksel qëllim kryesor, kishte qenë për ta bindur Bashkimin Evropiane, “për një afatë kohor, p.sh. një vit apo dy e më shumë vite. Së paku që familjarët pas kësaj periudhe kohore të dinë se ku do të mund të vendosin lule. Të ketë një epilog në këtë çështje”, ka thënë Hoti.