Deputeti i Lidhjes Demokratike të Kosovës (LDK), Avdullah Hoti ka reaguar pas vrasjes së 43-vjeçares nga burri i saj në Pejë duke kërkuar reflektim dhe përgjegjësi nga të gjitha hallkat shtetërore.
Përmes një postimi në Facebook, ish-kryeministri i Kosovës ka thënë se institucionet duhet të reagojnë duke parë situatën e tmerrshme që është duke ndodhur për vrasjet ndaj grave.
“Institucionet duhet të reagojnë duke parë situatën e tmerrshme që është duke ndodhur për vrasjet ndaj grave. Edhe një tjetër vrasje brenda 4-5 ditëve është e patolerueshme dhe drejtësia duhet të shqiptojë dënimet maksikmale për këto akte të shëmtuara”, ka shkruar Hoti.
Sipas Hotit, shoqëria duhet të këndellet dhe institucionet duhet të kenë kujdes të shtuar sidomos për rastet që kërkojnë ndihmën e shtetit.
https://www.dukagjini.com/i-dyshuari-per-vrasjen-e-gruas-ne-peje-kishte-te-kaluar-kriminale-prokurori-qavolli-vrasje-makabre/