Ambasador i Shteteve të Bashkuara të Amerikës në Kosovë, Jeffrey Hovenier ka thënë se Asociacioni i Komunave me shumicë serbe duhet të bëhet urgjentisht.
Hovenier ka thënë se themelimi i Asociacionit është një kërkesë e kamotshme e ShBA-së.
Në një intervistë për Bloomberg, Hovenier ka thënë se komuniteti serb në Kosovë ka disa shqetësime dhe Asociacionin e shohin si një mënyrë që ndihmon në adresimin e atyre kërkesave.
Ai ka thënë tutje se Asociacioni i tillë nuk duhet të përmbajë kompetenca ekzekutive.
Hovenier ka shtuar se duhet të ketë kufizime, sepse beson se pa këto kufizime mund të bëhet diçka problematike ose burim destabiliteti.