Ambasadori i Shteteve të Bashkuara të Amerikës në Kosovë, Jeffrey Hovenier, i ka cilësuar të papranueshme kërcënimet që u janë bërë së fundmi policëve të rinj serbë në veri të Kosovës nga përdorues serbë të rrjeteve sociale.

Me anë të një postimi në Twitter, Hovenier ka thënë se përbërja e Policisë së Kosovës duhet të pasqyrojë diversitetin e vendit.

“Ndaj plotësisht këto shqetësime. Kërcënimet dhe frikësimet ndaj individëve që shërbejnë për të mirën e të gjithë qytetarëve të Kosovës janë krejtësisht të papranueshme. Siç e kam thënë edhe më parë, Policia e Kosovës ekziston për t’u shërbyer të gjitha komuniteteve në Kosovë dhe përbërja e saj duhet të pasqyrojë diversitetin e Kosovës”, ka shkruar Hovener.

Fully share these concerns. Threats & intimidation to individuals serving for the benefit of all of Kosovo’s citizens are completely unacceptable. As I’ve said before, the Kosovo Police exists to serve all communities in Kosovo & its makeup should reflect Kosovo’s diversity. https://t.co/rC4A38V8gM

— Ambassador Jeff Hovenier (@USAmbKosovo) July 26, 2023

Në anën tjetër, edhe shefi i EULEX-it, Giovanni Pietro Barbano, e ka quajtur të papranueshëm çdo lloj kërcënimi apo frikësimi që bëhet.

“Jam shumë i shqetësuar nga raportimet e mediave lidhur me mesazhet kërcënuese kundër policëve të rinj të Kosovës nga komunitetet joshumicë. Çdo lloj frikësimi është i papranueshëm, dhe theksoj rëndësinë që Policia e Kosovës reflekton dhe ajo përfaqëson tërë popullsinë e Kosovës”, është shprehur ai.

Në fillim të kësaj jave e nisën punën 72 policë të rinj nga komunitetet joshumicë.