Ambasada amerikane në Kosovë ka reaguar në lidhje me 24-vjetorin e Masakrës së Reçakut.
Përmes një postimi, Ambasada amerikane në Prishtinë ka thënë se në përgjigje të kësaj mizorie dhe të tjerave, 24 vjet më parë, Shtetet e Bashkuara së bashku me aleatin e tyre, NATO, kanë vepruar për t’i mbrojtur civilët e pambrojtur.
Tutje, njoftohet se këtë e kanë bërë “në emër të paqes, lirisë dhe stabilitetit”. Po ashtu, theksohet se këto synime pasqyrojnë vlerat e thella amerikane dhe perëndimore.
Ambasada amerikane në Prishtinë ka shpërndarë një pjesë të fjalimit të Ambasadorit të ShBA-së në Kosovë, Jeffrey Hovenier, lidhur me këtë ngjarje.
“Askush mos ta harrojë apo ta mohojë atë që ka ndodhur këtu. Në përgjigje të kësaj mizorie dhe të tjerash, ShBA, së bashku me aleatët e NATO-s, vepruan për të mbrojtur civilët e pambrojtur në emër të paqes, lirisë dhe stabilitetit. Këto synime pasqyrojnë vlerat e thella amerikane dhe perëndimore. Ne besojmë se të gjithë njerëzit, pa dallim etnie apo feje, e meritojnë të jetuarit në liri dhe siguri”, është shprehur Hovenier.
In response to this atrocity and others 24 years ago, the United States, together with our @NATO Allies, acted to protect defenseless civilians in the name of peace, freedom, and stability. These goals reflect deeply held American and Western values. https://t.co/q3MAW6srec https://t.co/GatS9xcwWO
— U.S. Embassy Pristina (@USEmbPristina) January 15, 2023