Hovenier thekson nevojën urgjente të parandalimit të vrasjeve të grave në Kosovë

Ambasada Amerikane ka vendosur flamurin në gjysëmshtizë për shkak të vrasjeve të fundit të grave në Kosovë. Me këtë rast, ambasadori Hovenier ka theksuar nevojën urgjente të parandalimit të vrasjeve e dhunës në familje

Ambasadori i Shteteve të Bashkuara të Amerikës (ShBA) në Kosovë, Jeff Hovenier, ka thënë se rastet e fundit të vrasjeve si dhe ato të dhunës në familje theksojnë nevojën urgjente për më shumë punë për të parandaluar dhunën ndaj grave dhe vajzave.

Në një postim në rrjetin social “X”, Hovenier ka thënë se duhet të ndërtohet një shoqëri ku çdo individ mund të jetojë pa frikë dhe pa u lënduar.

“Sot, ne qëndrojmë me popullin e Kosovës në Ditën Kombëtare të Zisë, duke nderuar dhe kujtuar viktimat e femicidit dhe të gjitha gratë kosovare që janë viktima të dhunës në familje. Vrasjet dhe aktet e fundit e dhunës në familje nënvizojnë nevojën urgjente për të bërë më shumë për të trajtuar dhe parandaluar të gjitha format e dhunës ndaj grave dhe vajzave. Ne duhet të përpiqemi të ndërtojmë shoqëri ku çdo individ mund të jetojë pa frikë dhe pa u lënduar”, ka shkruar Hovenier në “X”.

Sot është ditë zie në Kosovë në kujtim të vajzave dhe grave të vrara dhe me këtë rast Ambasada Amerikane ka vendosur flamurin në gjysëmshtizë.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika