Hoxha – deputetëve të LDK-së: Keni qenë sponsorë të ligjit për pagën minimale, duhet ta merrni përgjegjësinë

Në “Debat Plus” të RTV Dukagjini, Hoxha ka deklaruar se përgjegjësia e rezultateve të këtij ligji duhet të mirret edhe nga ana e LDK-së. Nga ana tjetër, deputetja nga radhët e LDK-së, Hykmete Bajrami ka deklaruar se Qeveria po dështon të bëj kategorizimin në këtë ligj

Analisti Ylli Hoxha ka vlerësuar se Lidhja Demokratike e Kosovës (LDK) duhet ta marrë përgjegjësinë për ligjin për pagën minimale, ngase e njëjta, “ishte sponsore” e saj.

Në “Debat Plus” të RTV Dukagjini, Hoxha ka deklaruar se përgjegjësia e rezultateve të këtij ligji duhet të merret edhe nga ana e LDK-së.

“Ky ligj ka kaluar në kohën e Qeverisë Mustafa..Nuk mundemi me u sjell karshi këtij ligji pa përgjegjësinë e sponsorit të këtij ligji. Keni qenë sponsorët dhe duhet ta merrni përgjegjësinë e rezultateve të të njëjtit ligj”, ka deklaruar ai.

Mirëpo, deputetja nga radhët e LDK-së, Hykmete Bajrami, ka deklaruar se Qeveria po dështon të bëjë kategorizimin. Krahas kësaj, ajo u zotua edhe në emër të partisë për rritjen e pensioneve të veteranëve.

“Problemi është tek implementimi i ligjit. Probleme të tilla kanë të gjitha vendet që kanë kaluar përmes një lufte, nuk është e lehtë. Në këtë rast, ne i kemi dy vite e gjysëm në mandate të kësaj qeverie. Ne mundemi të themi sepse atëherë është bërë implementimi, ligji është bërë për pagesa edhe përmbyllja e listës, e cila nuk është ende e përmbyllne…ajo çka po themi është se Qeveritë më pastaj dhe kjo e tanishmja po dështojnë të implementojnë ligjin që është kategorizimi dhe LDK-ja këtu po zotohet që do të ndodhë implementimi i ligjit që do të thotë kategorizim, e me kategorizim në bazë të të gjitha kalkulimeve…pensioni për veteranët luftëtarë do të ngritet edhe më shumë me ligjin e ri që është në Kushtetuese”, ka deklaruar ajo.

Me 60 vota për e një abstenim, është miratuar ligji për pagën minimale.

Ky ligj parasheh që paga minimale të bëhet 264 euro.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika