Hoxha deputetëve të PDK-së: Pse merreni me Kurtin kur s’keni kapacitet në vendimet e tij

Analisti Ylli Hoxha ka thënë se opozita duhet të drejtojë kritikat ndaj kryeministrit Albin Kurti aty ku është e dobishme për qytetarët e vendit

Analisti Ylli Hoxha, Debat Plus.

Analisti politik, Ylli Hoxha, iu drejtua deputetëve të Partisë Demokratike të Kosovës (PDK) duke pyetur se pse merren me kryeministrin Albin Kurti për vendime në dialogun me Serbinë, kur nuk kanë kapacitete vendimmarrëse.

Hoxha ka theksuar se ata duhet të lejojnë bashkësinë ndërkombëtare ta trajtojnë këtë çështje, dhe, sipas tij, opozita duhet të drejtojnë kritikat aty ku është e dobishme për qytetarët e vendit.

Ai ka theksuar se kritikat e PDK-së ndaj kryeministrit Kurtit lidhur me Asociacionin kanë shkuar kot, duke shtuar se energjia e tyre do të jetë e padobishme edhe nëse Kurti vazhdon të bëjë marrëveshje.

“Unë pajtohem që ju nuk keni kapacitet vendimmarrës në raport sesi pozicionohet Albin Kurti karshi kësaj marrëveshje apo asaj marrëveshjeje, por në qoftë se nuk e keni pse po merreni me to. Pse duhet ju të jeni përgjegjës, gardianë i raporteve të zotit Kurtit me bashkësinë ndërkombëtare, le të merret bashkësia ndërkombëtare me të, ju adresoni kritikat aty ku është e dobishme për qytetarët tanë, sepse po konsumoheni dhe zoti Kurti prapë do ta bëjë një marrëveshje dhe në fund krejt ajo energji e juaja është shku kot”, ka deklaruar Hoxha në “Debat Plus”.

Në përgjigje, deputetja e PDK-së, Ariana Musliu-Shoshi, ka mbrojtur qëndrimin e tyre, duke shtuar se tema e Asociacionit është e rëndësishme, pasi të gjitha kauzat e Kurtit kishin të bëjnë me këtë temë.

Dhe se kjo kauzë e kryeministrit Kurti, sipas saj, doli të jetë joreale.

“Unë e kuptoj që dialogu, tema e marrëveshjes me Serbinë asnjëherë nuk ka sjellë votë, dhe unë mendoj që tema e marrëveshjes dhe dialogut na ka fundosë edhe neve, edhe partitë tjera opozitare. Mirëpo e kemi parasysh që Asociacioni është tema kryesore e Albin Kurtit, që të gjitha kauzat të cilat i ka ngrit të gjitha kanë qenë kauza fallco”, ka deklaruar Musliu – Shoshi.

Shija e redaktorit

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Rama e quan “hap historik” votimin Pro anëtarësimit të Kosovës...

Kryeministri i Shqipërisë, Edi Rama, e ka konsideruar si hap historik votimin e Asamblesë Parlamentare të Këshillit të Evropës(KiE) që i hap rrugë anëtarësimit...

Kurti: Me Kosovën aty, KiE fiton një demokraci të re...

Kryeministri i Kosovës, Albin Kurti, ka reaguar pasi Asambleja Parlamentare e Këshilli të Evropës ka votuar “për” anëtarësimin e Kosovës në këtë organizatë. Përmes një...

Të fundit nga rubrika