Analisti politik, Ylli Hoxha, ka deklaruar se kryetarët e katër komunave veriore, që janë zgjedhur së fundmi, duhet të japin dorëheqje për të hapur mundësi për një zgjidhje politike.
Hoxha u shpreh se Kosova nuk duhet të tentojë ta dominojë pakicën serbe në veri, teksa tha se zgjidhja duhet të adresohet në kuadër të Marrëveshjes së Ohrit.
“Mendoj që çfarëdo tendence me kapitalizu këto rezultate, me thënë po i bëjmë disa institucione atje, mendoj që është joserizoitet, nuk do të duhej Kosova të aspirojë dominimin pakicës mbi shumicën… Duhet t’i instalojmë këta kryetarë si institucion formal, sa mos me u ba horë, të kryhen operacionet e përditshme, këta kryetarë të ofrojnë dorëheqje, të largohen gradualisht për t’i hapue mundësi zgjidhjes politike që do të vinte me Ohrin”, ka thënë ai.
Ai tha se kryeministri Albin Kurti dhe ndërkombëtarët kanë treguar paaftësi të parashikojnë një ngjarje, sic është ajo e bojkotit të zgjedhjeve nga serbët.
“Absolutisht, kryeministri Kurti, ndërmjetësit ndërkombëtarë, kanë treguar paaftësi të parashikimit të një ngjarjeje, e cila është esenciale për paqen, atë që kanë tentuar ta rrijnë në Ohër. Marrëveshja e Ohrit, e cila do të duhej të zgjidhte problemin e madh Kosovë – Serbi, nuk e adreson problemin fundamnetar të mospjesëmarrjes në zgjedhje të serbëve, kjo ka qenë e paralajmëruar”, ka thënë ai.