Hoxha nga Peja publikon momentin kur veturës së tij një person i maskuar ia vë zjarrin(Video)

Hoxhë, Eroll Rexhepi, ka publikuar një video në rrjetin e tij social Facebook, ku shihet një person duke ia vënë zjarrin veturës së tij të mërkurën në mëngjes rreth orës 03:07 minuta.

“Sot rreth orës 03:07 am, para shtëpisë sime në lagjen Kapeshnicë, rruga Rozafa në Pejë, një person gjysmë i maskuar ia ka vënë flakën me lëndë djegëse makinës sime duke e djegur në tërësi dhe duke shkaktuar dëme të tjera”, ka njoftuar Rexhepi.

Më tej, ai ka thënë se i është mirënjohës Zotit, që nuk kishte dëme në jetët e njerëzve dhe përreth shtëpive të tjera.

“Kërkoi me ngulm nga Policia e Kosovës, Prokuroria dhe aktorët e rendit e sigurisë që sa më shpejt të zbulojnë nxitësin dhe kryesin e këtij akti qyqar!”, ka qenë kërkesa e tij për organet e rendit.

Më tej, ai ka falënderuar Policinë e Kosovës, zjarrfikësit, dhe fqinjët e tij.

Ndërsa zëdhënësi i Policisë së Kosovës, për rajonin e Pejës, Driton Rugova, “më datë 08.03.2023, rreth orës  03:45, Policia është informuar se në Rrugën ” Rozafes” në Pejë, një veturë është përfshirë nga zjarri”.

“Policia menjëherë ka dalë në vendngjarje, gjithashtu edhe njësiti i zjarrfikësve të cilët kanë arritur ta shuajnë zjarrin”, ka thënë ai.

Ndërkohë ai ka përfunduar duke thënë se rasti është duke u hetuar nga Policia, dhe është cilësuar si “Zjarrvënie”.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika