Analisti Ylli Hoxha në emisionin Debat Plus në RTV Dukagjini, ka thënë se pozicioni i qeverisë dhe Veteranëve të Luftës së Ushtris Çlirimitare të Kosovës (OVL-UÇK) është i njejtë, pasi sipas tij qeveria nuk ka qenë asnjeherë kundër rritjes së pensioneve.
Ai ka theksuar se edhe kërkesa e veteranëve për rritje të penzioneve është legjitime.
Takimi qe do të mabhet të premten mes kryeministrit Kurti dhe përfaqësuesve të OVL-UÇK-së, sipas Hoxhës ka mundur të mbahet edhe më herët, por kjo ishte zgjedhja e qeverisë.
Tutje, ai ka shtuar, se “pastrimi” i listave mund të bëhet edhe pa përfunduar procesi ligjor në gjykatë, dhe se një gjë të tillë duhet ta synojë edhe qeveria e tanishme.
“Sipas juristave listat mund të shfryhen, pasi nuk është duke u gjykuar pastrimi i listave, por personi kompetent që ka qenë për këto lista,” tha Hoxha.
“Pastrimi i listave mund të fillojë, por procesi i pastrimi i listave është i vështirë, shkaku i pikës së pestë së veteranit”, shtoi Hoxha.
Hoxha, është shprehur se protesta e së enjtes nga veteranët e luftës së UÇK-së, ishte shembull se si do duhej të mbaheshin protestat edhe në të ardhmen