Hoxhaj: Me qasjen që ka Kurti në dialog nuk pres kurrfarë marrëveshje Kosovë-Serbi

Deputeti i PDK-së, Enver Hoxhaj, ka thënë se “me qasjen që ka Kurti në dialog nuk pres kurrfarë marrëveshje Kosovë-Serbi, as atë për njohje të ndërsjellë”

Enver Hoxhaj, nënkryetar i Kuvendit të Kosovës

Nënkryetari i Kuvendit të Kosovës, Enver Hoxhaj, njëherësh deputet i PDK-së, ka thënë se me qasjen që ka kryeministri, Albin Kurti, në dialogun Kososvë-Serbi nuk pret kurrfarë marrëveshje.

Hoxhaj tha se nuk prek as njohje reciproke, pasi Kurti sipas tij ka vetëm një diskurs agresiv retorik.

“Me qasjen që ka Kurti në dialog nuk pres kurrfarë marrëveshje Kosovë-Serbi, as atë për njohje të ndërsjellë. Ai ka vetëm një diskurs agresiv retorik, gjoja duke u treguar i fortë para partnerëve perëndimorë dhe duke thënë që Serbia nuk do marrëveshje. Kurti s’ka as politikë, as qëllim dhe nuk do të ketë asnjë rezultat”, ka shkruar Hoxhaj.

Hoxhaj tha se ndërkombëtarët dëshirojnë që dialogu të hyjë në një fazë të re, që të krijohet një momentum për marrëveshje mes Kosovës dhe Serbisë.

Por, sipas tij kur dëgjon qëndrimet publike të Kurtit, shihet se ai nuk ka qartësi, as vendosmëri dhe as qëllime të qarta

“Vizita e përfaqësuesve të lartë të SHBA-së, BE-së, Gjermanisë, Francës dhe Italisë tregon se partnerët strategjikë të Kosovës duan që dialogu  të hyjë në një fazë të re, me një shpejtësi tjetër për të krijuar momentum për marrëveshje në mes të Kosovës dhe Serbisë! Por, kur dëgjon qëndrimet publike të Kurtit, shihet se ai nuk ka qartësi, as vendosmëri dhe as qëllime të qarta sa i takon rezultateve në dialog! Ai nuk ka bërë as zotim serioz dhe as përkushtim të mirëfilltë ndaj dialogut!  Kjo është politikë e blerjes së kohës dhe kjo është e dëmshme për Kosovën për arsye të matshme. SHBA, Franca, Gjermania, Italia sëbashku me BE-në kanë qenë grupi i shteteve vendimarrëse për Kosovën dhe lindja e Kosovës si shtet i pavarur nuk do të ndodhte pa përkrahjen e tyre. E, edhe e ardhmja euroatlantike e Kosovës varet direkt nga ta, sikurse anëtarësimi në organizata evropiane, nga Këshilli i Evropës, NATO-s, BE-së dhe më gjerë”.

Hoxhaj tha se marrëdhënia e Kosovës me Serbinë është e vështirë edhe shkak të një politik armiqësore që po ndjek Serbia.

“Marrëdhënia e Kosovës me Serbinë është e vështirë për shkak të historisë, por edhe për shkak të një politikeje armiqësore që po ndjek ende Serbia ndaj shtetit tonë! Mirëpo, vetëm në bashkëpunim me partnerët perëndimorë ne mund ta përmbyllim shtetësinë tonë me anëtarësim në OKB, ku, dialogu duhet t’i shërbejë Kosovës dhe jo Serbisë! Pse i duhet Kurtit besimi qytetarë, legjitim dhe pozita e kryeministrit nëse ai nuk ka guxim, vullnet dhe nuk bën asnjë veprim politik për të mbyllur tema të mëdha sikurse marrëveshja për njohje të ndërsjellë me Serbinë”, ka shtuar Hoxhaj.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Të fundit nga rubrika