Deputeti i Partisë Demokratike të Kosovës (PDK), Enver Hoxhaj, ka thënë se te Putini shihet racizmi i njëjtë kur fliste për Ushtrinë Çlirimtare të Kosovës (UÇK), dhe shqiptarët e Kosovës, sikur tash kur flet për Ukrainën dhe presidentin ukrainas Volodymyr Zelenskyy.
“Te Putini shihej racizmi i tij, kur fliste për UÇK-në, për kosovarët, është mënyra e njëjtë siç e sheh tash Ukrainën dhe presidentin Zelenskyy”, ka thënë Hoxhaj për RTV Dukagjinin.
Hoxhaj këtë deklaratë e ka dhënë në intervistë te emisioni “Radar” me Edita Dolin në RTV Dukagjini.
Ish- Ministri i Punëve të Jashtme, dhe deputeti i PDK-së, Enver Hoxhaj, po ashtu ka diskutuar rreth librit të tij të sapobotuar.
Promovimin e librit me të ri te tij e “Përplasja e Madhe” e ka bërë të hënën.
Në këtë libër Hoxhaj tregon për vizitën e Presidentit rus Vladimir Putin, në vitin 2001, kur atë kohë ai ishte kryeministër i Rusisë.
Putini kishte vizituar Kosovën në vitin 2001 në kuadër të vizitës së tij në kontingjentin rus, qe ishte pjesë e trupave të NATO-s.
Hoxha më tej shtoi se “serbët e Kosovës, i sheh sikur rusët në Ukrainë, vetëm si një element shahu për të ndërhyrë në Kosovë”.
Ai, gjithashtu, u shpreh edhe për ndikimin rus në Ballkan, dhe sipas tij kur ke një vend sikur Serbia është e lehtë të kesh ndikim.
“Mundesh të kesh ndikim, kur ke marrëdhënie ekonomike, kulturore, e politike siç janë serbët, pasi Serbia ka parti politike që bashkëpunojnë me partinë e Putinit” ka shtuar Hoxhaj.
Sipas tij, rusët kanë bërë përpjekje të ndërtojnë një bazë në Ballkan, dhe se bastioni kryesor i Rusisë është Serbia.
“Serbia ka partneritet strategjik me Serbinë, kisha ortodokse është platforma me e errët e ndikimit rus ne Ballkan” ka thënë mes të tjerash Hoxhaj.
Ndërkaq Hoxhaj ka thënë politika e Rusisë po bëhet me qëllim të pengimit të zgjerimit të NATO-s dhe BE-së në Ballkan.