Deputeti i PDK-së, Enver Hoxhaj, ka takuar në Londër ish-sekretarin e NATO-s, Lord George Robertson.
Hoxhaj ka thënë se Robertson ka bërë gjithçka për çlirimin e Kosovës në një nga periudhat më kritike të vendit.
“Edhe pas kaq vitesh vazhdon të jetë i mishëruar me fatin e Kosovës, Lord George Robertson, ish-sekretar i NATO-s, që bëri gjithçka për çlirimin tonë në një nga periudhat më kritike për Kosovën. Sot, ishte kënaqësi e madhe që e takova në Londër dhe biseduam për kohët e vjetra, dashurinë e tij ndaj Kosovës dhe të ardhmen e saj.
Ishte ndjenjë e veçantë kur pashë që në zyrën e tij është e varur një pikturë e punuar me lulëkuqet e Kosovës, e dhuruar nga nxënësit e shkollës së fshatit Poklek”, ka shkruar Hoxhaj në Facebook.