Ish-ministri i Punëve të Jashtme, tashmë deputet i PDK-së, Enver Hoxhaj, mënyrën e votuar nga shtetet në OKB për pro apo kundër rezolutës kundër gjenocidit në Srebrenicë, e quan këmbanë alarmi.
“Mënyra se si shtetet në OKB kanë votuar për të mbështetur dhe kundërshtuar rezolutën kundër gjenocidit në Srebrenicë, është këmbanë alarmi edhe për Kosovën! Kjo tregon se ne jetojmë në një botë të zvogluar, ku historia po rishkruhet dhe ku kohës dhe hapësirës po u ndryshon kuptimi!”
Sipas tij, në një vend të përcaktuar vetëm nga interesat dhe kërcënimet që po i bëhen shtetit të Kosovës, këtij vendi nuk i duhet kryeministri Albin Kurti.
“Një botë e përcaktuar vetëm nga interesat, pa asnjë parim dhe vlerë! Me izolimin e plotë dhe me kërcënimet në rritje ndaj Kosovës, vendit i duhet një qeveri pa Albin Kurtin, me një plan të qartë dhe një veprim të guximshëm! Vetëm një qeveri properëndimore e ripozicionon shtetin tonë drejt, si në raportet me aleatët strategjikë, si përballë armiqve strategjikë të saj, Serbia e Rusia e shumë të tjerë në botë,” ka shkruar Hoxhaj.