Gjatë ditës së dielë të 31 marsit, një 18 vjeçar humbi jetën, pasi u plagos me thikë.
Policia ka arritur të identifikojë dhe të shoqërojë në polici pesë persona të përfshirë në këtë konflikt.
Të dyshuarit janë ende duke u marrë në pyetje.
Ky konflikt ka ndodhur mes disa të rinjsh që kanë qenë duke lëvizur me dy automjete.
18-vjeçari ka marrë plagë thike, por nuk ka mundur që të mbijetojë dhe ka ndërruar jetë rrugës për në spital.
Të rinjtë kanë qenë duke udhëtuar me dy makina te ndryshme, dhe janë përballur dhe konfliktuar më pas. Viktima ka qenë pasagjer në një prej mjeteve.
Nga dëshmitë e grumbulluara deri tani nga grupi hetimor rezulton se shkak për ngjarjen ka qenë një komunikim me fjalë banale mes dy grupeve të të rinjve, raporton TopChannel.