Një motoçiklist ka humbur jetën si pasojë e një aksidenti trafiku që ka ndodhur sot, rreth orës 12:15, në fshatin Veriq të Istogut.
Policia e Kosovës ka bërë të ditur se në aksident janë përfshirë një kamion dhe një motoçikletë, ndërsa ekipet kompetente kanë dalë menjëherë në vendin e ngjarjes.
“Ju informojmë se me datën 27 korrik 2026, rreth orës 12:15, Policia është informuar për një aksident trafiku i cili ka ndodhur në fshatin Veriq-Istog”, thuhet në njoftimin e Policisë.
Sipas policisë, në vendngjarje kanë intervenuar njësitet e Njësitit Rajonal të Komunikacionit Rrugor dhe ekipi i autoambulancës, i cili ka konstatuar vdekjen e motoçiklistit.
“Në vendin e ngjarjes kanë dalë njësitet kompetente të Njësitit Rajonal të Komunikacionit Rrugor, gjithashtu edhe autoambulanca, të cilët e kanë konstatuar vdekjen e motoçiklistit”, njofton Policia.
Autoritetet kanë bërë të ditur se në këtë aksident ishin të përfshira një kamion dhe një motoçikletë.
Me urdhër të prokurorit të Shtetit, trupi i pajetë i viktimës është dërguar në Institutin e Mjekësisë Ligjore në Prishtinë për obduksion.
“Me urdhër të prokurorit të Shtetit, trupi i pajetë i viktimës dërgohet në Institutin e Mjekësisë Ligjore në Prishtinë për obduksion, ndërsa rasti është duke u hetuar nga hetuesit e Njësitit Rajonal të Komunikacionit Rrugor DRP-Pejë”, thuhet në njoftimin e Policisë.
Policia po vazhdon hetimet për të sqaruar rrethanat që çuan në këtë aksident me pasojë vdekjen e motoçiklistit.