Në emisionin ‘Dueli Sportiv’ në RTV Dukagjini po diskutohet rreth humbjes së Kosovës ndaj Bjellorurisë në Budapest të Hungarisë me rezultat 2-1.
Sipas Begollit, Kosova e ka prekur fundin me selektorin Giresse. Ai thotë se ka shumë paqartësi në lojën e ”Dardanëve”.
“Mendoj që e kemi prekur fundin me Alain Giresse. Rezultatet negative dhe dështimet nuk vijnë rastësisht. Kemi pasur shumë kritika prej futbollistëve që janë ftuar dhe mënyrës se si ky e sheh Kombëtaren. Ka paqartësi në lojën e Kosovës,” tha ai.
Tutje, Begolli kritikoi edhe për vendosjen e futbollistëve në fushë nga Alain Giresse.
“Dresevic dhe Fazliji luajnë te skuadrat e tyre si qendërmbrojtës. Nuk mundemi t’i fitojmë ndeshjet me katër qendërmbrojtës si startues, Rrahmani, Aliti, Dresevic dhe Fazliji,” tha ai.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.