Anëtari i PSD-së, Zgjim Hyseni, ka thënë se ndaj Qeverisë së Kosovës është një trysni për themelimin e Asociacionit të komunave me shumicë serbe përpara diskutimeve për planin franko-gjerman.
Sipas tij nuk ka afatizime të dialogut siç e ka theksuar kryeministri, Albin Kurti.
“Çka jam duke vrejtë, është se ka trysni për me u themelu Asociacioni, edhe me u themelu përpara diskutimeve për planin frank-gjemrna. Sic duket ky afatizimi që Kurti ia ka shitë opinioni publik nuk qëndron, nuk ka afatizim të dialogut. Mundet me ndodhë, por në asnjërën prej deklaratave që Josep Borrell i ka lëshuar për publikun të cilat janë dakordime të palëve nuk përmend afatizimi, kjo nuk i bëjnë që është shumë afër përfundimi i një marrëveshje eventuale”, ka thënë Hyseni.
Hyseni në emisionin “Five” ka potencuar se diskutimi për një marrëveshje me Serbinë nuk është se sa shpejte mund të ndodhë, por që a do te jetë kjo marrëveshje, një epilog i çështjes.
Sipas tij Asociacioni mbi baza etnike nuk i kontribuon integrimit ndëretnik.
“Diskutimi nuk është se sa shpejte ka më ndodhje kjo marrëveshje, por është diskutimi nëse kjo marrëveshje është një hap për tej, a ka me qenë krejt satus quo, apo ka me qenë epilog i çështjes. Na nuk mendojë se rikthimi tek çështjet e ndara hap pas hapi I ndihmon situatës, ne jemi të bindur poashtu se Asociacioni që është mbi baza etnike nuk I kontribuon integrimit”, ka shtuar ai.
Ndërkaq, ajo çka do të ndikonte sipas tij në përmirësimin e marrëdhënieve mes Kosovës dhe Serbisë, por edhe në përmirësimin e marrëdhënieve ndëretnike, do të ishte ri përcaktimi i kufijve.
“Ne jemi të bindur se ri përcaktimi kufijve ka me i rregullu edhe marrëdhëniet ndëretnike brenda Kosovës. Momentin që Serbia nuk më aspirata prej Kosovës, serbët e Kosovës nuk kanë mi pas më sytë nga Serbia, kanë me jetu këtu me njerëzit këtu. Në motin që ki me pasë njohje, është një fare garancie që ska më pas më aspirata, në anën tjetër ka konflikte që janë kryer. Jam i bindur qe e këna fat që nuk kemi me jetu në luftë tërë jetën”, ka thënë Hyseni.