Prokuroria Themelore në Prishtinë dhe Policia e Kosovës kanë njoftuar se i arrestuari T.K. ka pranuar vrasjen e Enver Bajraktarit në Baicë të Lipjanit.

Trupi i viktimës u gjet i groposur në një arë më 4 gusht.

Gjatë deklaratës së dhënë para organeve të drejtësisë, T.K. ka pranuar përgjegjësinë për veprën penale që i vihet në barrë.

Ai është ndaluar me vendim të prokurorit dhe ndaj tij po vazhdojnë procedurat ligjore.

“Si rezultat i këtij veprimi policor në koordinim të plotë me Prokurorin e shtetit, është arrestuar dhe ndaluar një person i dyshuar mashkull me inicialet T.K. Pas ndalimit në polici dhe dhënies së deklaratës, i dyshuari ka pranuar veprimet e tij dhe kryerjen e veprës penale.I dyshuari është ndaluar me vendim të prokurorit të shtetit, dhe ndaj tij janë duke u zhvilluar procedurat e mëtutjeshme ligjore”, thuhet në njoftim.

T.K. u arrestua të martën në mëngjes, pas hetimeve intensive nga Njësiti i Hetimeve të Përgjithshme në Prishtinë.

Policia më parë kishte raportuar për gjetjen e trupit të groposur në një arë në fshatin Baicë, që më pas u identifikua si Enver Bajraktari.

Arrestohet një i dyshuar për vrasjen në Baicë të Lipjanit