Brenda janë në vuajtje të dënimeve për shkak se për vepra të ndryshme kanë rënë ndesh me ligjin.
Po të bisedosh me ta, në masë të madhe, ndihen të penduar për veprat e kryera.
Por siç duket jo të gjithë ndajnë të njëjtin mendim dhe kanë të njëjtën qasje.
Kjo për shkak se një prej tyre në Burgun e Dubravës ka kryer vepra për të cilat përfundohet pikërisht në vendin ku është.
Policia e Kosovës ka njoftuar se gjatë dy ditëve të fundit një i burgosur ka kryer dy vepra penale ndaj dy të burgosurve tjerë.
“Raportohet se në Qendrën Korrektuese në Dubravë, i dyshuari mashkull kosovar ka kryer veprat: lëndim i lehtë trupor dhe vrasje në tentativë . I dyshuari gjatë intervistimit ka pranuar se i ka sulmuar dy viktimat. I dyshuari dhe viktimat janë në vuajtje të dënimeve në Qendrën Korrektuese në Dubravë. Në lidhje me rastin është konsultuar prokurori i shtetit.”
Nga ana tjetër nga Shërbimi Korrektues i Kosovës kanë bërë të ditur se viktimat janë jashtë rrezikut për jetë.
“Shërbimi Korrektues i Kosovës njofton opinionin se dje rreth orës 10:15, pas përfundimit të shëtitjes në koridorin e Pavijonit 1, në Qendrën Korrektuese të Dubravës, i burgosur B.T ka sulmuar me një mjet të mprehët të burgosrin B.A. Falë reagimit të shpejtë të stafit, i burgosuri B.T nuk ka arritur t’i shkaktoj lëndime serioze të burgosurit tjetër B.A. Lidhur me rastin është njoftuar Policia e Kosoves, të cilët janë duke u marrë me rastin, rast të cilin e kanë cilësuar si lëndim i lehtë trupor, ndërsa ndaj të burgosurit B.T është inicuar procedura disilpinore. Shërbimi Korrektues i Kosovës ka formuar komision hetimor, i cili është duke hetuar rrethanat e ngjarjes”.
Në Qendrën Korrektuese në Dubravë dënimin me burg aktualisht e vuajnë 664 persona, 10 prej të cilëve janë në paraburgim.