Një person është arrestuar pasi dyshohet se të dielën ka shtënë me armë zjarri në Pejë.
Lajmin për Dukagjinin e ka konfirmuar zëdhënësi i Prokurorisë Themelore në Pejë, Shkodran Nikçi.
Sipas Nikçit, i dyshuari është arrestuar nga Policia e Kosovës dhe, pas intervistimit, me urdhër të prokurorit të shtetit është ndaluar për 48 orë.
“Personi që dyshohet se ka shtënë sot me armë zjarri, pas arrestimit nga Policia e Kosovës dhe intervistimit është ndaluar për 48 orë, me urdhër të prokurorit të shtetit”, deklaroi Nikçi.
Rasti është nën hetim nga organet kompetente.