Kryetari i Sindikatës së Minatorëve, Ibrahim Jonuzi në “Debat Plus” në RTV Dukagjini, ka thënë se një minatori i është keqësuar gjendja shëndetësore gjatë grevës.
“Në këtë orë një minatori sapo i është dhënë ndihma mjekësore dhe është duke u transportuar me emergjencë për në spital”, ka thënë kryetari i Sindikatës së Minatorëve.
Sipas tij, gjendja shëndetësore e minatorëve lë shumë për të dëshiruar.
Jonuzi ka thënë se kërkesat kryesore të minatorëve që janë në grevë janë: përmirësimi i kushteve, dhënia e pagave me kohë dhe dorëheqja e kryeshefit.
Më tej ai ka shtuar se ka katër muaj prej kur minatorët nuk po mund t’i marrin pagat në kohën e paraparë.