I kthyeri nga Siria paraburgoset në Kosovë

Gjykata Themelore e Prishtinës, ka njoftuar se një person i gjinisë mashkullore me inicialet H.S, është paraburgosur nën dyshimet për veprën penale “bashkimi apo pjesëmarrja në ushtrinë apo policinë e huaj, në formacionet e jashtme paraushtarake ose parapolicore në organizimet grupore apo individualisht jashtë territorit të Republikës së Kosovës”

Gjykata Themelore e Prishtinës, ka bërë të ditur se e ka caktuar masën e paraburgimit kundër personit me iniciale H.S, i cili dyshohet se me dëshirën e tij kishte shkuar ilegalisht në Siri për t’iu bashkuar organizatës terrorite ISIS.

Sipas njoftimit të gjykatës, H.S, dyshohet se ka kryer veprën penale “bashkimi apo pjesëmarrja në ushtrinë apo policinë e huaj, në formacionet e jashtme paraushtarake ose parapolicore në organizimet grupore apo individualisht jashtë territorit të Republikës së Kosovës”.

Atij i është caktuar masa e paraburgimit prej një muaji.

Kundër këtij vendimi të Gjykatës Themelore të Prishtinës, palët kanë të drejtë ankese në Gjykatën e Apelit të Kosovës.

Më 28 maj, institucionet e Kosovës dhe ato të Shqipërisë, kishin bërë të ditur se janë riatdhesuar 13 persona të cilët kishin shkuar në Siri e Irak.

Ministri i Punëve të Brendshme të Kosovës, Xhelal Svecla, ishte shprehur se nuk do të jetë operacioni i vetëm në kuadër të rikthimit të qytetarëve të Kosovës nga kampet siriane.

Kurse, Ministri i Punëve të Brendshme i Shqipërisë, Bledar Çuçi, ka deklaruar se operacioni për riatdhesim ishte i përbashkët me Kosovën dhe se këtë operacion e kanë mundësuar Shtetet e Bashkuara të Amerikës (SHBA).

Qindra shqiptarë iu bashkuan Shtetit Islamik dhe grupeve të tjera që luftonin në Siri dhe Irak në fillim të vitit 2010. Shumë prej tyre ishin vrarë, kurse një numër i vogël i tyre janë riatdhesuar në Kosovë e Shqipëri.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika