I pari i PDK-së, ka përkujtuar 23 vjetorin e masakrës së Studimes

Kryetari i PDK-së, Krasniqi ka përkujtuar masakrën e Studimes së Vushtrrisë, me rastin e përvjetorit të 23-të

Kryetari i Partisë Demokratike të Kosovës(PDK), Memli Krasniqi, ka shkuar të hënën në Studime të Vushtrrisë, me rastin e përvjetorit të 23-të, të masakrës së kryer nga forcat paramilitare të Serbisë mbi popullsinë civile shqiptare.

I pari i PDK-së, përmes një postimi në Facebook, ka përkujtuar masakrën e 2 majit 1999 që ndodhi në Studime të Vushtrrisë.

“Me 2 maj të vitit 1999, në Studime të Vushtrrisë, forcat kriminale serbe kishin marrë peng Xhemajl, Selatin dhe Shaban Gërxhaliun dhe, para syve të tyre, u kishin ekzekutuar familjarët një nga një. Atë ditë të kobshme, familjes Gërxhaliu iu ekzekutuan 36 anëtarë të familjes. Sebahudini, djali i Selatinit ishte vetëm 5 vjeç, ndërkaq, nëna e tij, Sala, ishte 85 vjeç”, ka thënë Krasniqi.

May be an image of 6 people, people standing, monument and outdoors

Ai ndër të tjera ka shtuar se në Studime, krimet çnjerëzore të një ushtrie të etur për gjak e masakra mbi civilë të pambrojtur vazhduan edhe mbi familjet Gërguri, Rashica, Sfarça e shumë familje të tjera.

“116 civilë, të paarmatosur e të pafajshëm, nga të gjitha moshat e gjinitë – fëmijë, gra, burra e pleq, u ekzekutuan pa asnjë mëshirë atë ditë të kobshme”, ka theksuar Krasniqi.

Sipas Krasniqit, edhe 23 vjet më pas, drejtësia vazhdon të heshtë për të gjithë këta martirë, edhe për Sebahudinin 5 vjeçar, i cili atëkohë ende nuk kishte nisur shkollën.

Siç thotë ai, sot ai do të kishte qenë 28 vjeç.

Krasniqi ka shtuar se vuajtjet dhe sakrificat e popullit të Kosovës për liri nuk duhet të harrohen asnjëherë.

May be an image of 1 person, standing and road

“Prandaj, ne nuk guxojmë të harrojmë asnjëherë vuajtjet dhe sakrificën që ka kaluar populli ynë në rrugën e lirisë. Sot, nesër dhe secilën ditë tjetër, ne do të kërkojmë drejtësi dhe ndëshkim të kriminelëve. Lavdi martirëve të Studimes!”, ka shkruar më tutje Krasniqi.

Të hënën shënon 23 vjetori i masakrës në Studime të Vushtrrisë ku forcat kriminele serbe vranë 116 shqiptarë të pafajshëm.

May be an image of one or more people, people standing, outdoors and text

Këta të fundit u nxorën nga kolona e qindra njerëzve që kishin marrë rrugë për Shqipëri.

Kjo masakër nga krerët e institucioneve të Kosovës është cilësuar si një ndër masakrat më të tmerrshme ndaj shqiptarëve gjatë luftës së fundit.

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika