I parkuan veturat para shtëpive të tyre, dënohen pa paralajmërim dhjetëra banorë të lagjes “Hajrullah Abdullahu”

Dhjetëra banorë të rrugës “Hajrullah Abdullahu”, të komunës së Prishtinës, janë dënuar me nga 30 euro për shkak se i kanë parkuar veturat para shtëpive të tyre.

Ky aksion i komunës së Prishtinës, sipas Dukagjin Goranit, ka qenë i paparalajmëruar.

Gorani konfirmoi se edhe ai është dënuar, vetëm për shkak se, sipas tij, e ka parkuar veturën para shtëpisë së tij private.

Ai për Portalin Dukagjini, tha se banorët e asaj rruge nuk kanë se ku t’i parkojnë veturat e tyre.

“Vetura ime e parkuar para shtëpisë sime, më kanë dënuar 30 euro. E kanë dënuar të gjithë mahallën. Nuk kemi ku t’i lëmë veturat, ato i parkojmë para shtëpive tona. Si duket qenka ardhur një urdhër i ri nga Komuna, që mos me i parku veturat para shtëpive private. Nuk e di ku kanë me i parku, sepse pjesa më e madhe nuk kanë garazha. Qysh ka mundësi kështu, të gjithëve na kanë dënuar me nga 30 euro”, ka thënë ai.

Gorani u shpreh se janë dënuar rreth 50 deri 60 persona, teksa thotë se ky është një veprim absurd.

“Prej se mbaj mend në Prishtinë është zakon me i parku veturat para shtëpive. Nuk na kanë treguar që do të merret një aksion i tillë. Së paku të na kishin treguar, pa kurrfarë paralajmërimi, veç janë ardhur e i kanë shpërndarë 50-60 dënime, pse i kanë parkuar veturat para shtëpive të tyre, pa asnjë alternativë. S’kam pa dënim më absurd”, vijoi ai.

Portali Dukagjini ka provuar të kontaktojë me komunën e Prishtinës, por ata nuk kanë qenë të qasshëm.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika