Policia e Kosovës ka njoftuar se të premten e 10 shkurtit, në Prishtinë janë identifikuar katër te dyshuar meshkuj kosovarë, ku tre prej tyre janë arrestuar, ndërsa i dyshuari i katërt gjendet në arrati për veprat penale “Vjedhje e rëndë” dhe “Armëmbajtje pa leje”.
Në raportin 24-orësh të Policisë thuhet se me urdhër të gjyqtarit të Procedurës Paraprake janë kryer bastisje në shtëpitë e të dyshuarve.
“Gjatë bastisjes janë gjetur dhe sekuestruar: një armë zjarri me një karikator dhe katër fishekë, disa orë dore dhe bizhuteri të ndryshme si dhe 3800€ dhe një fishek”, njofton Policia e Kosovës.
Pas intervistimit, me vendim të prokurorit tre te dyshuarit dërgohen në mbajtje.