Pentagoni ka identifikuar ushtarin amerikan që humbi jetën gjatë një operacioni në Irak.
Rreshteri Michael Emmanuel Swinton u vra më 19 korrik gjatë një shpërthimi të kontrolluar të një droni iranian kamikaz të rrëzuar në Irak. Swinton ishte 30 vjeç dhe vinte nga Fayetteville, në Karolinën e Veriut, shkruan CNN, transmeton Dukagjini.
“Sgt. Michael Emmanuel Swinton, 30 vjeç, nga Fayetteville, Karolina e Veriut, humbi jetën gjatë një shpërthimi të kontrolluar të një sistemi ajror pa pilot me një drejtim, i cili ishte rrëzuar më 19 korrik 2026, në Bazën Ajrore Erbil, në Irak. Rasti është duke u hetuar”, thuhet në njoftimin e Departamentit amerikan të Mbrojtjes.
Më herët, Komanda Qendrore e SHBA-së (CENTCOM) njoftoi se dy ushtarë amerikanë u vranë nga sulmet iraniane në Jordani. Në një incident të veçantë, një tjetër pjesëtar i forcave amerikane humbi jetën në veri të Irakut gjatë shpërthimit të kontrolluar të municioneve të pashpërthyera nga një dron iranian kamikaz i rrëzuar.