IKShPK bën apel te qytetarët të kenë kujdes me ushqimin

IKShPK u ka bërë thirrje qytetarëve të kenë kujdes me mënyrën sesi e ruajnë dhe konsumojnë ushqimin. Sipas tyre, ditëve të fundit ka pasur helmime të shumta si pasojë e konsumimit të ushqimit të kontaminuar

Ilustrim

Instituti Kombëtar i Shëndetësisë Publike (IKShPK), ka bërë apel te qytetarët e Kosovës, të kenë kujdes me ushqimin.

Ky institucion ka bërë të ditur se për shkak të konsumimit të ushqimit të kontaminuar, shumë qytetarë kanë përfunduar duke u trajtuar në spitale. Sipas tyre, ata tashmë janë jashtë rrezikut për jetë.

Tutje, IKSHPK, i ka listuar hapat të cilat duhet t’i marrin qytetarët për t’u mbrojtur nga helmimet e mundshme si pasojë e ushqimeve.

Ilustrim i ushqimit të skarës

“Instituti Kombëtar i bën thirrje popullatës:

Kujdes i shtuar ku konsumohet ushqimi.

Shmangia e konsumimit të mishit të papërpunuar termikisht.

Shmangia e konsumimit të ushqimit që përmban vezë të freskëta, si majoneza, soset e ndryshme, etj

Konsumimi i qumështit të pasterizuar ose të zier.

Shmangia e konsumimit të djathit të freskët nga qumështi jo i pasterizuar ose zier.

Frutat dhe perimet të lahen me ujë të bollshëm.

Nuk preferohet konsumimi i ushqimit që ka qëndruar jashtë frigoriferit për më shumë se 2 orë.

Ruajtja e ushqimit të mbetur në frigorifer

Ushqimi i ngrirë, i cili është shkrirë duhet të konsumohet sa më shpejt ose të hidhet. Nuk duhet të ringrihet.

Duart duhet të lahen dhe thahen:

– para se të filloni të përgatisni ushqimin

– pasi të prekni mishin e freskët, peshkun, vezët ose perimet

– pas përdorimit të tualetit

– pasi të pastroni hundën

– pasi të prekni një kafshë

– pasi të prekni ndonjë plagë apo prerje në trup”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika