Është identifikuar dhe arrestuar i dyshuari që ishte larguar nga vendngjarja e një aksidenti në fshatin Jashanicë të Klinës, aksident ky nga i cili vdiq një person.
Përmes një komunikate për media, Policia e Kosovës ka njoftuar se ndonëse e njëjta ishte informuar për një vetaksident trafiku, me të arritur në vendngjarje është kuptuar se në këtë aksident ishin të përfshira dy automjete.
“Me të arritur në vendngjarje është kuptuar se në këtë aksident ishin të përfshira dy automjete. Deri te aksidenti ka ardhur deri sa i dyshuari ishte duke qarkulluar ne rrugën Skenderaj-Klinё, i njëjti godet veturën e viktimës duke i shkaktuar lëndime tё rënda trupore dhe si pasoj e lëndimeve viktima pasi dërgohet ne QKMF-Klinё, nga ekipi mjekësor ёshtё konstatuar vdekja e viktimёs”, thuhet në komunikatë gjersa theksohet se i dyshuari ishte larguar nga vendi i ngjarjes.
Krahas kësaj, Policia e Kosovës ka njoftuar se të martën, ёshtё arritur të identifikohet dhe arrestohet i dyshuari me incinialet A.D, i lindur më 2002.