Ministri i Punëve të Brendshme, Xhelal Sveçla bashkë me ministrin e Administrimit të Pushtetit Lokal, Elbert Krasniqi, këtë të enjte e kanë inauguruar paisjen e e-Kioskut, në komunën e Zveçanit si dhe u hapën zyret e reja për pajisje me dokumente si dhe regjistrim të veturave.
Nga sot e tutje, qytetarët e Komunës së Zveçanit dhe jo vetëm, do të kenë mundësinë që çdo ditë të javës, 24 orë, përmes e-Kioskut, të pajisen me dokumente të gjendjes civile si: Çertifikatë e Lindjes, Ekstrakt nga Regjistri Qendror i Gjendjes Civile, Certifikata e Martesës, Çertifikatë e Vendbanimit dhe Çertifikatë e Shtetësisë, si dhe çdo ditë të punës të kryejnë shërbimet e pajisjes me dokumente personale si dhe të regjistrojnë veturat e tyre.
