Anija kozmike Chandrayaan-3 e Indisë ka shënuar një sukses të madh në eksplorimin e polit jugor të Hënës më 23 gusht, duke bërë Indinë vendin e parë në histori që arrin me sukses afër kësaj pjese të Hënës.
Kjo është një fitore e madhe për programin hapësinor indian dhe ka bërë Indinë vendin e katërt në botë që ka arritur në Hënë me sukses, pas Shteteve të Bashkuara, Bashkimit Sovjetik dhe Kinës.
Kryeministri i Indisë, Narendra Modi, ka theksuar rëndësinë e këtij suksesi, duke deklaruar: “India është tani në Hënë”. Kjo arritje vjen pas një përpjekjeje të mëparshme të dështuar në vitin 2019 për të arritur të njëjtin qëllim.
Eksplorimi i polit jugor të Hënës është një sfidë e madhe shkencore, pasi kjo zonë mësohet të ketë potencial për të përmbajtur ujë të ngrirë dhe elemente të çmuara, raporton The Guardian.
Ky sukses i Chandrayaan-3 është një hap i rëndësishëm drejt zgjedhjes së misterit të kësaj pjese të Hënës.
Anija kozmike e Indisë ka qenë në një udhëtim të gjatë për të arritur Hënën, duke përdorur një raketa më pak të fuqishme se ato të përdorura nga Shtetet e Bashkuara në misionet Apollo të viteve 1960 dhe 1970.
Ky udhëtim ka përfshirë rrotullimin e anijes disa herë në orbitën tokësore për të fituar shpejtësi më të madhe për të shkuar drejt Hënës.
Pas suksesit të zbarkimit, India do të vazhdojë eksplorimin e kësaj pjese të Hënës dhe të marrë shënime të hollësishme për të përcaktuar se çfarë mund të gjendet atje.
Ky mision i Chandrayaan-3 ka kushtuar 74.6 milionë dollarë, një shumë shumë më e ulët se misionet e tjera të ngjashme të vendeve të tjera.
Kjo arritje e Indisë në hapësirë tregon një rritje të theksuar të programit hapësinor indian, i cili ka filluar të shfaqet si një aktor i rëndësishëm në eksploatimin dhe eksplorimin e hapësirës.
Ekspertët shpresojnë që eksplorimi i kësaj pjese të Hënës do të sjellë kontribut të rëndësishëm në njohuritë shkencore, dhe ai do të përbëjë një pikënisje për misionet e ardhshme të Indisë në hapësirë.
Kjo arritje po ashtu vendos Indinë në një pozitë unike në arenën ndërkombëtare të hapësirës, duke e bërë atë një partner të rëndësishëm për eksplorimin dhe zhvillimin hapësinor.