Infermierët hyjnë në grevë një orëshe, kërkojnë rritjen e pagës

Me pankarta në duar ku kërkohet rritja e pagës, e kanë filluar ditën e martë sindikata e infermierëve, mamive dhe punëtorëve të tjerë shëndetësorë.

Ata të martën kanë hyrë në grevë një orëshe prej orës tetë të mëngjesit deri në nëntë, me kërkesa për rritje të pagës bazë e po ashtu dyfishim të pagesës për ndërrimin e natës.

Përveç dhënies së terapisë për pacientët aktualisht të hospitalizuar dhe rastet emergjente, sindikata e infermierëve ka njoftuar se nuk do të jap shërbime të tjera, gjatë orës që janë në grevë.

Enlirat Duraku, nga Shoqata sindikale e infermierëve, mamive dhe profesionistëve të tjerë shëndetësor, kërkesat e tyre i ka quajtur bazike dhe që sipas tij referencë e kanë ligjin e punës.

“Siç  e keni vërejtur në njoftime kërkesa e sindikatës janë koeficienti 7.1 për komunitetet tona, apo 70% e pagës së mjekut ashtu siç ka qenë edhe është edhe sot diferenca mes komuniteteve tona”, është shprehur ai.

Duraku, po ashtu në emër të punëtorëve të tjerë shëndetësor, ka kërkuar rritjen e pagesës për ndërrimin e natës, duke u arsyetuar “në rritjen e kostove të shpenzimeve jetësore”.

“Një pagesë e tillë  që ne e quajmë pagesën e ndërrimit të natës prej 18 eurove apo 10 litra naftë nuk i mjafton infermierit sidomos atyre që udhëtojnë nga regjionet. Kërkesa tjetër është respektimi i ligjit të punës fillimi me pagesë të menjëhershme të rrezikshmërisë në punë, të punës gjatë vikendeve apo festave si dhe pagesa e orëve shtesë”, ka shtuar ai.

Ndërkaq, Kryetari i Sindikatës së Infermierëve të Kosovës, Fitim Havolli, i ka bërë thirrje institucioneve të Kosovës, që t’i marrin parasysh kërkesat e tyre.

Sipas Havollit, një nga arsyet se pse komuniteti i infermierëve po largohet nga Kosova, është se punojnë në kushte të vështira dhe se kërkesat e tyre nuk po merren parasysh.

Ai ka shtuar, se kërkesat e tyre janë minimale, dhe se paga aktuale sipas tij nuk mjafton për të jetuar dinjitetshëm.

“Përderisa mbajmë kësi grevash kjo është ndihmë për ta, jam shumë i bindur që nëse nuk i plotësojnë kërkesat tona, nuk do të kemi as kënd me thirrë në greve, për shkak që vendin janë duke e lëshuar me të madhe, për shkak të mos trajtimit serioz”, ka deklaruar Havolli.

Nëse nuk ju realizohen kërkesat e tyre, ata kanë paralajmëruar se nuk do t’i ndalin grevat, por do t’i përshkallëzojnë edhe më tutje.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika