Inspektorati i Punës për gjashtë muaj shqiptoi mbi 600 gjoba

“Inspektorati i Punës për shkeljen e dispozitave ligjore për periudhën janar-gusht të vitit 2023 janë shqiptuar 619 gjoba. Nëse e bëjmë krahasimin për periudhën janar-dhjetor të vitit të kaluar ku kemi pasur vetëm 281 gjoba të shqiptuara, kjo konsiderohet një rritje e konsiderueshme e numrit të gjobave”.

Kryeinspektori i Punës, Hekuran Nikçi, në një intervistë për Ekonomia Online tha se gjatë periudhës janar-gusht të këtij viti ka shqiptuar mbi 600 gjoba.

Sipas tij, pjesa më e madhe e gjobave është shqiptuar për sektorin e ndërtimtarisë, që sipas tij, është sektori që bën më së shumti shkelje të ligjit për siguri dhe shëndet publik.

Nikçi tha se shqiptimi i gjobave është rritur gjatë këtij viti, por sipas tij, gjobat nuk kanë qëllim ndëshkimin e subjekteve, por vetëdijesimin e tyre në raport me respektimin e drejtave të punëtorëve.

“Inspektorati i Punës për shkeljen e dispozitave ligjore për periudhën janar-gusht të vitit 2023 janë shqiptuar 619 gjoba. Nëse e bëjmë krahasimin për periudhën janar-dhjetor të vitit të kaluar ku kemi pasur vetëm 281 gjoba të shqiptuara, kjo konsiderohet një rritje e konsiderueshme e numrit të gjobave”.

“Dua t’ju rikujtoj se gjobat nuk kanë qëllim ndëshkimi për subjektet, por gjobat kanë për qëllim vetëdijesimin e subjekteve në raport me respektimin e drejtave të punëtoreve”, tha ai.

Kryeinspektori tha se gjobat e shqiptuara janë më së shumti për sektorin e ndërtimtarisë, pasi sipas tij, ky sektor bën shkeljen e dispozitave të ligjit për siguri dhe shëndet publik.

“Gjoba që janë shqiptuar për periudhën janar-gusht të këtij viti më së shumti janë shqiptuar në sektorin e ndërtimtarisë dhe konstatoj se ky sektor është ai sektor i cili bën shkeljen e dispozitave të ligjit, përkatësisht të ligjit për siguri dhe shëndet publik. Skelet jashtë standardeve, hapësirat e ashensorëve dhe shkallëve të parrethuara, gjithashtu pajiset mbrojtëse të punëtorëve të cilat kanë munguar”, tha ai.

Nikçi tha se IP-ja në konkursin e fundit ka arritur që të rekrutojë 18 inspektorë të punës jashtë shërbimit civil dhe 19 inspektorë të punës brenda shërbimit civil, ku sipas tij, shuma totale e inspektorëve të punës arrin në 70, raporton EO.

“Aktualisht, ne i kemi, do të thotë në rekrutimin e fundit që e kemi bërë edhe jashtë shërbimit civil, por edhe brenda shërbimit civil, kemi arritur në konkursin e fundit të rekrutojmë 18 inspektorë të punës jashtë shërbimit civil, 19 inspektorë të punës brenda shërbimit civil”.

“Me këtë numër të inspektorëve, ne arrijmë numrin total të inspektorëve afër 70 inspektorë të punës aktualisht aktiv në shtatë regjionet ku në operojmë në Kosovë. Me këtë rritje të numrit të inspektorëve sigurisht se do të rritet edhe prezenca e inspektorëve në terren, të cilët do të bëjnë mbikëqyrjen e të drejtave të punëtorëve në vendet e punës, por rrjedhimisht do të rritet numri i inspektimeve dhe gjithashtu edhe numri i gjobave, të cilat për qëllim kanë vetëdijesimin e punëdhënësit”, tha ai./EO

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika