Inspektori i Përgjithshëm i Agjencisë së Kosovës për Inteligjencë (AKI), Burim Ramadani, ka mbërritur në Hagë pas pranimit të ftesës nga Zyra e Prokurorit të Specializuar, mëson RTV Dukagjini.
Burim Ramadani është pritur nga ambasadori i Kosovës në Holandë, Dren Doli.
Të hënën e 23 majit, Inspektorit të Përgjithshëm të AKI-së, Burim Ramadani, i është dërguar një fletëthirrje, në të cilën i është kërkuar atij të paraqitet si dëshmitar për t’u marrë në pyetje nga Zyra e Prokurorit të Specializuar, në datën e caktuar.
Në fletëthirrjen e dërguar, nga Ramadani ishte kërkuar që “të ofrojë detaje në lidhje me lokacionin e tij fizik dhe gjeografik gjatë kohës së luftës, dhe të ofrojë dokumentacion, përfshirë këtu edhe fotografi dhe të dhëna tjera nga periudha nga 1 janar 1998 deri 31 dhjetor 2000”.
Zyra e Prokurorit të Specializuar thërret Ramadanin në cilësinë e dëshmitarit