Instituti për Studimin e Luftës thotë se Rusia nuk po bën përparime në luftimet në Bakhmut

Instituti për Studimin e Luftës me seli në Uashington ka thënë se Rusia nuk po arrin përparime në luftimet për marrjen në kontroll të qytetit lindor të Ukrainës, Bakhmut-it

Fotoilustrim. Foto; A2 CNN

Instituti për Studimin e Luftës me seli në Uashington ka thënë se Rusia nuk po arrin përparime në luftimet për marrjen në kontroll të qytetit lindor të Ukrainës, Bakhmut-it.

Sipas këtij Instituti, forcat ruse dhe njësitet e grupit paraushtarak Wagner, të kontrolluar nga Kremlini, kanë vazhduar të kryejnë sulme tokësore në qytet, por nuk kishte asnjë provë se ata ishin duke bërë ndonjë përparim.

Raporti ka cituar zëdhënësin e Grupit Lindor të Forcave të Armatosura të Ukrainës, Serhii Cherevaty, i cili ka thënë se luftimet në zonën e Bakhmut-it kishin qenë më intensive këtë javë sesa javën e shkuar. Sipas tij, gjatë 24 orëve të fundit janë shënuar 23 përballje në qytet.

Raporti i Institutit për Studimin e Luftës vjen pas pretendimeve të Rusisë në fillim të kësaj jave, për përparim në luftime.

Ministria e Mbrojtjes e Britanisë së Madhe, të shtunën ka thënë se njësitet paraushtarake të Grupit Wagner, i kontrolluar nga Kremlini, kishin marrë pjesën më të madhe të Bakhmutit lindor.

Qyteti minerar i Bakhmutit ndodhet në provincën lindore të Ukrainës, Donetsk, një nga katër rajonet e Ukrainës që presidenti rus, Vladimir Putin, aneksoi ilegalisht vitin e kaluar.

Ushtria ruse nisi luftimet për të marrë kontrollin e Bakhmutit në gusht dhe të dyja vendet kanë shënuar humbje të mëdha. Për këtë çështje, presidenti Zelenskyy është zotuar të mos tërhiqet.

Ndërkohë, gjatë një interviste për gazetën gjermane “Bild am Sonntag”, të publikuar të dielën, ministri i Mbrojtjes, Dmytro Kuleba, ka thënë se Ukraina do të vazhdojë ta mbrojë Bakhmut-in.

“Çfarë do të ndryshonte nëse tërhiqemi nga Ukraina? Rusia do të merrte kontrollin e Bakhmutit dhe do të vazhdonte sulmin në Chasiv Yard dhe çdo qytet pas Bakhmutit do të kishte të njëjtin fat”, ka thënë ministri Kuleba.

I pyetur se sa kohë mund të rezistonin forcat ukrainase në qytet, ai refuzoi të jepte një përgjigje konkrete.

Po ashtu, në intervistë, ai i bëri thirrje Gjermanisë që të shpejtonte me dërgimin e armatimeve në Ukrainë dhe të niste trajnimi e pilotëve ukrainës për përdorimin e avionëve luftarakë perëndimorë. VoA

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika