Në rrjetin social “Telegram” janë shpërndarë taktika luftarake për neutralizimin e automjeteve të blinduara të Policisë së Kosovës në veri të vendit.
“Taktikat luftarake kundër automjeteve të blinduara Arquus Bastion që janë armë të Policisë së Kosovës (më saktësisht njësiteve elitar policore). Çka mendoni, cila është pika më e dobët që blinda franceze të paaftësohet?”, thuhet në pyetjen e shtruar në “Telegram”, raporton AlbanianPost.
Tensionet janë të larta në disa zona të veriut të Kosovës, ku protestuesit serbë kundërshtojnë hyrjen e kryetarëve të rinj në zyra komunale. Prania e ushtarëve të KFOR-it është shtuar përpara objekteve komunale, ndërsa situata është më e qetë në disa zona të tjera.