Intervistimi për anëtarë të Bordit të RTK-së, Lëvizja Fol: I padrejtë e jotransparent

Lëvizja Fol ka akuzuar për mungesën e transparencës dhe meritokracisë në procesin e intervistimit të kandidatëve për Bordin e RTK-së, duke kërkuar kështu ripërsëritjen e konkursit

Fotografi ilustrim

Procesi i intervistimit të kandidatëve për anëtarë të Bordit të Radio Televizionit Publik të Kosovës (RTK) është akuzuar për mungesë transparence, mosrespektim të parimit të meritokracisë dhe shkelje të integritetit, nga Lëvizja Fol.

Në fazën e intervistimit të kandidatëve të propozuar për Bordin e RTK-së, Lëvizja Fol ka theksuar se procesi ka qenë i padrejtë dhe jotransparent.

Komisioni AdHoc i Kuvendit të Kosovës ka intervistuar 13 kandidatë, por shqetësimet e organizatës kanë të bëjnë me disa çështje kyçe.

Lëvizja Fol ka kritikuar faktin se kandidatët nuk janë pyetur për të njëjtat pyetje gjatë intervistimit, duke krijuar kështu vështirësi për një vlerësim objektiv.

Anëtarët aktualë të bordit të RTK-së i janë nënshtruar pyetjeve shtesë, të cilat janë cilësuar si tendencioze nga Lëvizja Fol.

Kohëzgjatja e 15 minutave për secilin kandidat është konsideruar e pamjaftueshme për një pozitë të rëndësishme si ajo e anëtarit të bordit të RTK-së.

Lëvizja Fol ka vlerësuar se praktika e dhënies së pikëve në përfundim të të gjitha intervistave, në vend të pas çdo interviste, nuk e respekton standardin e vlerësimit objektiv.

“Ajo që është tejet shqetësuese dhe indikator i fuqishëm i mosrespektimit të parimit të meritokracisë është diskrepanca në poentimin e kandidatëve nga ana e anëtarëve të Komisionit për të njëjtin kandidat. Për shembull, dy kandidatë kanë marrë nga 4 pika në total nga deputetët Agim Veliu dhe Armend Zemaj dhe nga 100 pikë nga deputetët tjerë. Veliu dhe Zemaj nuk kanë ofruar asnjë arsyetim për poentimin minimal, gjë që nuk përkon me praktikat e krijuara gjatë proceseve rekrutuese me pjesëmarrjen e ekspertëve britanikë”, thuhet në reagimin e tyre.

Përveç kësaj, Lëvizja Fol ka shprehur shqetësimin e saj në lidhje me propozimin e njërit prej kandidatëve, Mehmet Kalisi, i cili ka përdorur gjuhë fyese ndaj mediave dhe ka propozuar krijimin e një agjencie shtetërore të lajmeve në kuadër të RTK-së.

“FOL ka monitoruar edhe procesin e kaluar të përzgjedhjes së anëtarëve të këtij bordi, ku gjithashtu kandidati me më së shumti pikë ishte Mehmet Kalisi, përkundër faktit se i njëjti, në të kaluarën ka përdorur gjuhë fyese ndaj mediave dhe i cili gjatë intervistimit kishte përmendur si ide krijimin e një agjencie shtetërore të lajmeve në kuadër të RTK-së”, thuhet në reagimin e Lëvizjes Fol.

Lëvizja Fol ka bërë thirrje për një trajtim më të përgjegjshëm të propozimeve të kandidatëve dhe për mundësinë e ripërsëritjes së konkursit, “në mënyrë që të respektohen parimet e meritokracisë për pozitat e zgjedhura në institucionet me interes publik siç është Radio Televizioni Publik i Kosovës”.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika