Investimet direkte deri në muajin gusht arrijnë në 514 milionë euro

Banka Qendrore e Republikës së Kosovës ka publikuar raportin e saj mbi bilancin e pagesave për muajin gusht 2023, ku ka treguar rreth investimeve, kredive dhe letrave me vlerë

Banka Qendrore e Kosovës

Në raportin e Bankës Qendrore të Republikës së Kosovës (BQK) mbi bilancin e pagesave për muajin gusht 2023 thuhet se investimet direkte në vend deri në fund të muajit gusht 2023 shënuan vlerën prej 514 milionë eurove.

Ndërsa investimet jashtë vendit në këtë raport thuhet se shënuan vlerën e mbi 145 milionë eurove, kurse investimet në letra me vlerë jashtë Kosovës janë rritur për 322 milionë euro.

Nga ana tjetër, investimet në depozita, kredi dhe në kredi tregtare brenda vendit ishin 152 milionë euro, kurse jashtë Kosovës ishin 24 milionë euro.

“Për sa i përket aseteve në llogaritë financiare, deri në gusht 2023 kanë arritur në 652.3 milionë euro. Dërgesat nga mërgata për këtë muaj janë rritur për 93.6 milionë euro ose 11.7 për qind më shumë, krahasuar me periudhën e njëjtë të vitit 2022”, thuhet në raport.

Deri në gusht 2023, të ardhurat parësore kanë shënuar bilanc pozitiv prej 71.5 milionë euro.

Kurse bilanci i pagesave u karakterizua me një deficit të llogarisë rrjedhëse në vlerë prej 220.2 milionë euro, i cili tregon një përmirësim prej 41 % krahasuar me periudhën e njëjtë të vitit të kaluar.

Shija e redaktorit

Përparësitë e Kosovës si shtet i asocuar në Asamblenë Parlamentare...

Një hap afër anëtarësimit në NATO, kështu së paku po konsiderohet nga politikanët të jetë afruar Kosova, tash që e morri statusin si vend...

Osmani në takim me kryesuesit e KGJK-së dhe KPK-së: Urgjent...

Presidentja Vjosa Osmani priti në takim kryesuesin e Këshillit Gjyqësor të Kosovës dhe kryesuesin e Këshillit Prokurorial të Kosovës. Ajo ka pritur në takime...

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

Të fundit nga rubrika