Inspektorati i Policisë së Kosovës (IPK) ka kërkuar të suspendohet për tri ditë një zyrtar policor me gradën rreshter nën dyshime për keqpërdorim të pozitës apo autoritetit zyrtar.

Sipas IPK-së, ai shërbente në Stacionin Policor për Mbikëqyrje Kufitare Leposaviq – Drejtoria Rajonale e Policisë Kufitare Veriu.

“Dje me datën 09 gusht 2023,  si rezultat  i veprimeve hetimore  IPK ka parashtruar kërkesë Drejtorit Rajonal të   Policisë Kufitare Veriu për  suspendim në kohëzgjatje  deri në tri ditë (3) ndaj një zyrtarit policor me gradën Rreshter, i cili shërben në Stacionin Policor për Mbikëqyrje Kufitare Leposaviq – Drejtoria Rajonale e Policisë Kufitare Veriu, nën dyshimin për kryerjen e veprës penale “Keqpërdorim i Pozitës apo Autoritetit Zyrtar” nga neni 414 i Kodit Penal”, thuhet në njoftim.

Ky rast sipas IPK-së, në koordinim me Prokurorin e Shtetit është duke u trajtuar në procedurë të rregullt.