Inspektorati Policor i Kosovës(IPK), ka njoftuar se Departamenti i Hetimeve ka pranuar të enjten e 19 janarit ankesë nga një qytetar, për tejkalim të autorizimeve policore gjatë përdorimit të forcës nga disa zyrtarë policorë në Ferizaj.

Ky rast raportohet të ketë ndodhur në orët e hershme të mëngjesit, kur qytetari ishte ndaluar nga policia si i dyshuar për prishje të rendit dhe qetësisë publike.

“Rasti është regjistruar në IPK dhe hetuesit janë angazhuar duke ndërmarrë veprime konkrete hetimore”, ka njoftuar IPK-ja.

Tutje në këtë komunikatë për media, IKP-ja i ka rekomanduar Policisë së Kosovës suspendimin e tyre.

“Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij incidenti”, thuhet tutje në komunikatë.