IPK rekomandon suspendimin e një zyrtari policor në Aeroportin e Prishtinës
Inspektorati Policor i Kosovës (IPK) ka rekomanduar suspendimin me pagesë të një zyrtari policor, i cili dyshohet se nuk ka vepruar sipas procedurave ligjore pasi kishte pranuar 105 euro të gjetura në Aeroportin Ndërkombëtar të Prishtinës “Adem Jashari”. Rasti është pranuar nga IPK-ja më 14 shtator, pas referimit nga Policia e Kosovës, ndërsa lidhet me […]
Inspektorati Policor i Kosovës (IPK) ka rekomanduar suspendimin me pagesë të një zyrtari policor, i cili dyshohet se nuk ka vepruar sipas procedurave ligjore pasi kishte pranuar 105 euro të gjetura në Aeroportin Ndërkombëtar të Prishtinës “Adem Jashari”.
Rasti është pranuar nga IPK-ja më 14 shtator, pas referimit nga Policia e Kosovës, ndërsa lidhet me një zyrtar policor me detyrë në Stacionin Policor Kufitar në aeroport.
Sipas IPK-së, më 9 shtator një punonjës i aeroportit kishte raportuar humbjen e 105 eurove. Nga shqyrtimi i pamjeve të kamerave të sigurisë është konstatuar se paratë ishin gjetur nga një udhëtare, shtetase e Kosovës me banim në Gjermani, e cila më pas ia kishte dorëzuar ato një zyrtari policor.
“Sipas informatave fillestare të siguruara gjatë hetimit, më 9 shtator 2026, një punonjës i aeroportit kishte raportuar humbjen e një shume parash ( 105 eurosh).















