Një zëdhënës i kryeministrit të Irakut ka thënë se sulmet amerikane janë “shkelje” e sovranitetit të Irakut.
Siç raporton BBC, gjenerali Yehia Rasool ka shtuar se sulmet do të sjellin “pasoja katastrofike për sigurinë dhe stabilitetin në Irak dhe rajon”.
Kjo pasi të premten vonë Shtetet e Bashkuara të Amerikës sulmuan mbi 85 caqe në Siri dhe Irak si përgjigje për sulmin e së dielën me dron mbi bazën ushtarake amerikane ku u vranë tre ushtarë.
Po ashtu edhe Damasku ka reaguar për sulmet e ShBA-së duke thënë se “pushtimi” amerikan i territorit sirian “nuk mund të vazhdojë”.
Ushtria siriane ka thënë se një numër i njerëzve u vranë dhe të tjerë u lënduan, pa dhënë të dhëna të sakta duke theksuar “dëme të mëdha” të pronave private e publike.