Tokat kënetore të Mesopotamisë ushqehen nga lumenjtë Tigër dhe Eufrat, me një ekosistem të tërë në zonë që mbështetet në ujë.
Por, OKB-ja thotë se sezoni i reshjeve të vitit të kaluar ishte i dyti më i thati në katër dekada.
Barinjtë thonë se kanë parë rënien e nivelit të ujit në muajt e fundit dhe kjo tashmë po prek kafshët e tyre.
Nivelet e ujit të kënetave janë më të ulëta këtë vit krahasuar me të njëjtën kohë të vitit të kaluar dhe grupi ka frikë se kripësia dhe ndotja do të vazhdojnë të rriten, duke e bërë më të vështirë për barinjtë që t’i mbajnë kafshët e tyre të shëndetshme.
Ayad Al-Asadi është pjesë e një organizatë joqeveritare në vend.
“Kjo thatësirë do të shkaktojë migrim të brendshëm dhe të jashtëm. Do të shkaktojë migrim të brendshëm nga qendra e kënetave, ku janë barinjtë e buallit të ujit, deri në shtyllën kurrizore të kënetave, që është lumi Eufrat. Pse? Sepse ata kërkojnë ujë. Kjo është më pak e përqendruar. Sepse në këneta, kripësia e ujit ka filluar të rritet”, thotë ai.
Ndryshimet klimatike, ndotja dhe digat në rrjedhën e sipërme e kanë mbajtur Irakun të bllokuar në një cikël krizash të përsëritura të ujit.
“Njerëzit janë shpartalluar. E shihni që kur njerëzit ulen dhe flasin, janë vërtet të shqetësuar dhe problemet që kanë nuk kanë zgjidhje. Njerëzit janë të hutuar. Ku duhet të shkojnë, çfarë të bëjnë?”, vazhdoi të deklaroi ai.
Barinjtë thonë se nëse uji thahet plotësisht, të gjithë do të humbasin.