Të paktën 133 njerëz kanë vdekur që nga fillimi i protestave historike kundër mbulesës në Iran. Sipas një organizate për të drejtat e njeriut, më shumë se 40 persona janë vrarë nga policia vetëm të premten.
Protestat, të shkaktuara nga vdekja e 22-vjeçares Mahsa Amini në paraburgimin e policisë, kanë çuar në demonstrata kundër ligjeve të ngurta të vendit që kërkojnë mbulimin e kokës për femrat.
Femrat kanë dalë në rrugë duke djegur mbulesën e kokës dhe duke prerë flokët në shenjë kundërshtimi, raporton The Independent.
Numri i fundit i të vdekurve vjen nga organizata me bazë në Oslo, “Iran Human Rights”. Kjo organizatë ka monitoruar demonstratat që nga fillimi i tyre në kryeqytetin Teheran, kur zonja Amini u arrestua nga policia e vendit më 13 shtator.
Numri i mbajtur nga organizata qëndron në kontrast të plotë me vlerësimin konservator të raportuar nga media shtetërore iraniane, e cila thotë se 41 persona kanë vdekur.
Ndërsa vetë autoritetet iraniane nuk kanë deklaruar publikisht ndonjë numër të vdekjeve.
Protestat janë rritur ditët e fundit dhe janë përhapur në më shumë zona, pavarësisht nga numri në rritje i vdekjeve.
Kurse të hënën, forcat e sigurisë u përleshën me studentët në një universitet të njohur në Teheran. Në një postim në rrjetin social Twitter shihen pamjet e sulmit ndaj studentëve të Universitetit Sharif.
Students flee for their lives at Sharif University in Tehran!
Please do not give up on the people of Iran…they need you more than ever!
Please keep tweeting, posting, and retweeting! #MahsaAmini #ZhinaAmini pic.twitter.com/GCgtw0zvOT
— Yashar Ali 🐘 یاشار (@yashar) October 2, 2022