Iran: Studentët po dërgohen në institucionet psikiatrike

Gjersa gratë djegin shamitë dhe presin flokët në protesta mbarëkombëtare, një zyrtar iranian tha të martën se nxënësit e shkollave që marrin pjesë në protestat në rrugë po dërgohen në institucionet e shëndetit mendor, rehabilitimit dhe riedukimit

Protestat në Universitetin e Teheranit





Në një intervistë me një gazetë të pavarur reformiste iraniane, ministri i Arsimit i Iranit , Yousef Nouri, konfirmoi se disa nxënës shkollash janë arrestuar me të vërtetë dhe iu referuan atyre që ai i quajti “institucione psikologjike”.

Institucionet që mbajnë studentët, kanë për qëllim të reformojnë dhe riedukojnë studentët për të parandaluar sjelljen “antisociale”, shkruan CNN.

“Është e mundur që këta studentë janë bërë ‘personazhe antisociale’ dhe ne duam t’i reformojmë ata,” i tha ai gazetës Shargh , duke shtuar se studentët “mund të kthehen në klasë pasi të jenë reformuar.”

Protestat në Iran

Pothuajse një muaj më parë, 22-vjeçarja Mahsa Amini vdiq pasi u dërgua në një “qendër riedukimi” nga “policia shtetërore e moralit” për mosrespektim të kodit konservator të veshjes së shtetit . Vdekja e Amini-t ka shkaktuar javë protestash antiqeveritare që janë përhapur në të gjithë vendin.

Ministri i Arsimit nuk mundi të jepte një shifër të saktë për numrin e studentëve të ndaluar, duke thënë se “nuk ka shumë”.

Vajzat dhe gratë në të gjithë Iranin kanë luajtur një rol jetik në demonstrata, dhe javët e fundit kanë protestuar në shkolla, kampuset universitare dhe në rrugë.

Pamjet që qarkulluan nëpër mediat sociale kanë treguar gra dhe vajza iraniane duke brohoritur “vdekje diktatorit” ndërsa heqin shamitë e tyre; në një rast, CNN pa vajza nga një shkollë e mesme profesionale në Teheran duke protestuar në një rrugë pranë shkollës së tyre dhe duke brohoritur, “grua, jetë, liri”.

Protestat në Iran

Demonstratat janë bërë ndonjëherë të rrezikshme. Policia hodhi gaz lotsjellës mbi protestuesit në Teheran të mërkurën, pranë Universitetit të Teheranit të cilat mbyllën dyert e tyre, ndërsa policia kundër trazirave ndoqi dhe gjuajti me plumba gome mbi demonstruesit, tha një dëshmitar okular.

Videot e marra nga media aktiviste pro reformës IranWire të postuara në mediat sociale të mërkurën treguan protestat në Teheran dhe qytete të tjera iraniane.

Pamjet nga Rasht, në veriperëndim të Teheranit, treguan policinë e veshur me veshje kundër trazirave duke rrahur njerëzit me shkopinj dhe duke i tërhequr ata nga trotuari.

Të martën, agjencia e Kombeve të Bashkuara për fëmijë UNICEF bëri thirrje për mbrojtjen e fëmijëve dhe adoleshentëve mes trazirave publike në Iran, të cilat tani janë në javën e tretë.

“Ne jemi jashtëzakonisht të shqetësuar nga raportet e vazhdueshme të fëmijëve dhe adoleshentëve të vrarë, të plagosur dhe të ndaluar në mes të trazirave të vazhdueshme publike në Iran”, thuhet në deklaratën e UNICEF-it.





Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika