Autoritetet iraniane planifikojnë të kthejnë një vend të bombarduar në një universitet në Isfahan në një muze që do të tregojë ndikimin e sulmeve amerikano-izraelite, sipas agjencisë së lajmeve iraniane, Tasnim.
Presidenti i Universiteti i Teknologjisë në Isfahan tha se zona e dëmtuar e universitetit do të ruhet, ndërsa një ndërtesë e re do të ndërtohet si zëvendësim, shkruan CNN, transmeton Dukagjini.
“Me mbështetjen e qeverisë, kjo zonë e dëmtuar do të mbetet e paprekur për t’u bërë përgjithmonë një muze lufte,” citohet të ketë thënë Zafarollah Kalantari, president i universitetit, nga Tasnim, duke shtuar se “sulmi ndaj një universiteti është një shembull i qartë i një krimi lufte dhe tregon se ata që pretendojnë të mbështesin të drejtat e njeriut nuk kanë përkushtim ndaj parimeve morale apo rregullave globale.”
Universitetet iraniane dhe qendrat e kërkimit shkencor u goditën nga një seri sulmesh gjatë luftës, ku dhjetëra prej tyre pësuan dëme dhe madje edhe akademikë u vunë në shënjestër, në atë që Irani e konsideron një përpjekje për të dobësuar themelet shkencore dhe kulturore të vendit.